Meşhur aktrisa Zendeýa we On sport brendi bilelikde taýýarlan täze eşik we aýakgap kolleksiýasyny tanyşdyrdylar. WWD olaryň 16-njy aprele satuwa çykaryljakdygyny habar berýär.
2024-nji ýyldan bäri brendiň hyzmatdaşy bolan Zendeýa bu taslamany özüniň meşhur stilisti Lou Rouch bilen bilelikde döretdi. Täze toplumyň mahabaty üçin režissýor Spaýk Jons tarapyndan düşürilen «Düýşleriň şekili» («Shape of Dreams») atly üç minutlyk gysga film taýýarlandy.
Toplum jemi ýedi sany esasy geýimden we aýakgapdan ybarat. Eşiklere trikotaž köýnekçeler, ýeňil kurtkalar, midi-ýubkalar we giň «paraşýut» balaklar girýär. Aýakgap bolsa brendiň meşhur Cloudnova Moon modeliniň täzelenen görnüşidir.
Döredijileriň aýtmagyna görä, kolleksiýadaky aýakgap bilen eşikler biri-birine utgaşyp, bütewi bir keşbi emele getirmeli. Suratçy Şon Tomas tarapyndan düşürilen mahabat suratlaryň «Düýşleriň barlaghanasy» («The Dream Lab») atly fantastik giňişlikde amala aşyrylmagy-da lybaslaryň görnüş täsirliligini artdyrdy.
Aslynda bu Zendeýanyň On brendi bilen ilkinji işi däldir. Geçen tomusda aktrisanyň gatnaşmagynda satuwa çykarylan «Cloudzone Moon» krossowkalary-da hyrydarlaryň arasynda uly şüweleň döredipdi.
