Halkara alymlar topary takmynan 250 million ýyl mundan ozal ýaşap geçen süýdemdirijileriň gadymy ata-babasy bolan listrozawryň embrionyny öz içine alýan ýumurtga tapdylar diýip, PLOS ONE neşiri habar berýär.
Bu özboluşly tapyndy köpýyllyk jedelleriň soňuna nokat goýýar we irki süýdemdirijileriň garyndaşlarynyň ýumurtga basyp köpelendigini tassyklaýar.
Barlag listrozawryň öz ululygyna görä uly, ýumşak gabykly ýumurtgalary basandygyny görkezdi. Häzirki zaman haýwanlarynyň uly ýumurtgalarynyň, adatça, sarysy köp bolýar, bu bolsa ýurtgadan çykandan soň, embriony ene-atasynyň iýmiti bolmazdan, özbaşdak ösmegi üçin zerur bolan ähli iýmit maddalary bilen üpjün edýär. Uly ýumurtgalaryň ýene-de bir möhüm artykmaçlygy bar: olar guraklyga has çydamly. Bu köpçülikleýin gyrylmadan soň gurak howa mahsus bolan agyr şertlerde ýaşaýşy saklap galmagyň örän möhüm şertidi.
Bu açyş süýdemdirijileriň gadymy ata-babalarynyň öz nesillerini süýt bilen iýmitlendirmändigini hem-de olaryň ýaşaýş strategiýasynyň çalt ösmeklige we jynsy taýdan ir ýetişmeklige esaslanýandygyny görkezýär.
