Kia kompaniýasy, heniz isleg barka, meşhur Sportage we Sorento modellerini içinden ýandyrylýan hereketlendirijiler bilen öndürmegini dowam eder.
Brendiň Beýik Britaniýadaky bölüminiň ýolbaşçysy Pol Filpott, britan bazarynda elektromobilleriň satuwynyň 100 müňden geçendigine garamazdan, adaty hereketlendirijili ulaglaryň hatarda galjakdygyny tassyklady.
Kia-nyň elektromobillerine bolan isleginiň artmagy "e-Niro" modeli bilen başlady: eger 2020-nji ýylda şeýle awtoulaglaryň 7,5 müňüsi satylan bolsa, 2025-nji ýylda satuw mukdary 21,9 müňden geçdi. Muňa garamazdan, kompaniýa gibridlere we klassiki güýç beriji gurluşlara maýa ýatyrnagyny dowam etdirýär.
Ýakyn 12–18 aýyň dowamynda Sportage modeliniň täze nesliniň satuwa çykmagyna garaşylýar. Bu model gibrid görnüşlerini saklap galar, emma diňe benzin bilen işleýän wariantlar kem-kemden önümçilikden aýrylar.
Meňzeş çemeleşme Seltos krossowerine hem degişlidir — ol Britan bazarynda diňe gibrid görnüşinde bolar.
Bellemeli zat, ekologiýa kadalarynyň barha berkleşmegi 2029-njy ýyla çenli içinden ýandyrylýan hereketlendirijili awtoulaglaryň satuwyny ep-esli çäklendirip biler. Şol sebäpli hem 2026-njy ýylyň täze modelleri has ýygy-ýygydan elektrikleşdirilen gurluşlar bilen enjamlaşdyrylar.
