Ford kompaniýasy sürüjiniň dodaklarynyň hereketi boýunça buýruklaryny okap bilýän innowasion ses dolandyryş ulgamyny işläp düzýär. Bu tehnologiýa kabrioletlerde we üsti açyk wnedorožniklerde sesiň tanalmagyna köplenç päsgel berýän zenzele meselesini çözmäge gönükdirilendir diýip, 32Cars portaly habar berýär.
Ulgam awtoulagyň ýagdaýyny we daşarky ses päsgelçiliginiň derejesini awtomatiki usulda anyklaýar. Sesiň derejesi kadadan çykanda, ýörite režim işjeňleşdirilýär: mikrofonlar toplumy ýeliň sesini süzgüçden geçirýär we bortdaky kameralar bolsa buýruklary takyk düşündirmek üçin sürüjiniň dodaklarynyň hereketlerini seljermäge başlaýar.
Bu işläp düzülişiň ýene bir aýratynlygy emosional seljermäniň birikdirilmegidir. Kameralar adamyň ýüz keşbiniň aňladýan manysyny yzarlaýar: gaharlanma ýa-da nägilelik ýüze çyksa, ulgam öz hereketini sazlaýar, mysal üçin, sözleýiş depginini haýalladýar ýa-da dinamikleriň sesini gataldýar.
Şeýlelik bilen, dolandyryş interfeýsi sürüjiniň diňe bir sözlerine däl, eýsem onuň emosional reaksiýalaryna hem uýgunlaşýar.
