2025-nji ýylyň maglumatlaryna görä, ÝB ýurtlarynyň arasynda ilat başyna düşýän girdeji we durmuş derejesi boýunça düýpli parhlanýar. Eurostat-yň barlagynda bahalaryň arasyndaky tapawutlar hem hasaba alyndy.
Şoňa görä, Lýuksemburgda durmuş derejesi ÝB-niň ortaça görkezijisinden 2,39 esse ýokary. Şeýle-de Irlandiýa (237%) we Niderlandlar (134%) iň baý ýurtlaryň hatarynda durýar.
Bolgariýa we Gresiýa ÝB-niň iň pes görkezijilerine eýe bolup, olar ortaça derejäniň diňe 68%-ine ýetýärler.
ÝB boýunça ortaça görkeziji 100 diýlip kabul edildi. Bu diýmek, Lýuksemburgyň ýaşaýjysy bolgariýaly ýa-da gresiýaly ýaşaýjydan ortaça 3,5 esse köp haryt we hyzmat satyn alyp bilýär.
Eýsem, ýagdaý iri ykdysadyýetlerde nähili?
- Germaniýa: ortaça derejeden ýokary — 115%;
- Fransiýa: ortaça derejä golaý — 98%;
- Italiýa: 96%;
- Ispaniýa: 92%.
Pes görkezijili beýleki ýurtlar: Latwiýa (71%), Slowakiýa (75%), Wengriýa (76%), Rumyniýa we Estoniýa (79%), Polşa we Portugaliýa (81%) ýaly ýurtlar ortaça derejeden 20%-den hem esli aşakda durýarlar.
Lýuksemburgyň we Irlandiýanyň görkezijileriniň aşa ýokary bolmagyna şol ýerlerde işleýän daşary ýurtly işçileriň we uly taslamalary alyp barýan halkara kompaniýalarynyň täsir edýändigi-de bellemek gerek.
ÝB-niň 27 ýurdundan diňe 10 döwlet ortaça derejeden ýokary ýagdaýda ýaşaýar. Bu bolsa, bileleşigiň ilatynyň takmynan 34%-i (her üç adamdan biri) diýmekdir.
Şonuň ýaly-da ÝB-de ilat başyna düşýän ortaça girdeji takmynan 41 600 ýewro diýlip hasaplanyldy. Bu görkeziji Bolgariýada 28 300 ýewro, Lýuksemburgda bolsa 99 300 ýewro barabardyr.
