2026-njy ýylyň ýaz/tomus möwsüminiň esasy trendi jinsileri pasyrdap duran giň bluzkalar bilen geýmekdir. Bu görnüş romantikanyň üstüne rahatlyk goşup, geýen kişini göze ýakymly görkezýär.
Prowans we Wiktoriýa döwrüniň estetikasyndan ylham alan şeýle görnüşler, Çemena Kamaliniň ýolbaşçylygyndaky Chloé moda öýi ýaly öňdebaryjy dizaýnerler tarapyndan ýoň edilip, mahabatlandyrylýar.
Şeýle geýinmegiň esasynda şäherli görünýän keşbi az-kem sypaýylaşdyrýan epin-epin fason ýa-da tor nagyş bilen bezelen, şeýle-de boýunýakasy biraz üýtgedilen ýeňil bluzka durýar.
Bu nysakda jinsiler neýtral eşigiň hyzmatyny ýerine ýetirýär we artyk-süýşük bezeglerden saklaýar. Ýöne ýokardaky agzalan bluzkalar bilen giň däl-de, gysbyrak jinsileriň gelişjekdigini-de unutmaň.
Bu möwsüm 70-nji ýyllardaky retro öwüşginini gaýtalaýan ýalpyldawuk jinsilere has köp ýykgyn ediler.
Reňk babatda stilistler neýtral reňklere eýermegi maslahat berýärler. Başarsaňyz, gök jinsiniň üstünden ýa-ha ak, ýa-da al öwüsýän açyk reňkli bluzkalary geýiň. Has resmi görnüş üçin aýaga lofer ýa-da uzyn ökjeli köwüşler ajap gelişer.
