Awstraliýaly boksçy Tim Szýu orta agram derejesinde WBO International çempiony tituly ugrundaky tutluşykda albaniýaly boksçy Denis Nurjuny ýeňdi.
Awstraliýada geçen on raundlyk tutluşygyň netijeleri boýunça eminleriň biragyzdan beren çözgüdi bilen Szýu ýeňiş gazanyp, bu titulyň eýesi boldy.
Tim Szýunyň hasabynda indi professional ringde 27 ýeňiş we üç ýeňliş bar. Nurju bolsa mundan ozal 20 ýeňiş gazanyp, ilkinji gezek ýeňildi.
WBO-nyň öňki çempiony Tim Szýu dünýäniň öňki absolýut çempiony Konstantin Szýunyň ogludyr.
WBO International tituly — bu Bütindünýä boks guramasy (WBO) tarapyndan tassyklanýan professional boksda abraýly sebit titulydyr. Ol WBO-nyň «doly hukukly» dünýä çempiony titulyna gatnaşykda ikinji derejeli hasaplanýar we boksçular üçin, köplenç, reýtingde ýokary galmaga hem-de guramanyň esasy guşagy ugrundaky söweşe hökmany dalaşgär statusyny almaga gönükdirilen basgançak bolup hyzmat edýär.
