Hindistan hökümeti sebitleýin howa gatnawlaryny ösdürmäge gönükdirilen Modified UDAN maksatnamasyny tassyklady. Onuň býujeti 28,840 million hindi rupiýasy (takmynan 3,5 milliard ABŞ dollary) bolar.
Maksatnama on ýyl üçin meýilleşdirilýär we howa gatnawlaryny halk üçin has elýeterli etmäge gönükdirilendir. Bu maksat maksatnamanyň adynda hem öz beýanyny tapýar: UDAN diýmek Ude Desh ka Aam Nagrik - "ýurduň ýönekeý raýaty hem uçsun" diýmegi aňladýar.
Başlangyjyň çäklerinde täze 100 aeroport we 200 dikuçar meýdançasyny gurmak meýilleşdirýär.
Bular sebitlerde öň bar bolan, ýöne ulanylmaýan uçuş-gonuş zolaklarynyň esasynda dörediljek kiçi desgalardyr. Esasy maksat kiçi şäherleri umumy awiasiýa ulgamyna birikdirmekdir.
Taslama täze ugurlaryň ykdysady taýdan netijeli bolmagyny üpjün etmek üçin awiakompaniýalara maliýe goldawyny bermegi hem öz içine alýar.
Häzirki wagtda Hindistanda 163 aeroport bar (2025-nji ýyl boýunça). Häkimiýetler olaryň sanyny 2047-nji ýyla çenli 350–400-e çenli artdyrmagy meýilleşdirýärler.
