Hytaýyň CAS Space hususy kompaniýasy Kinetica-2 raketasynyň ilkinji uçuşyny üstünlikli tamamlady. Uçurylyş Hytaýyň demirgazyk-günbataryndaky Dongfeng täjirçilik uçuş meýdançasyndan amala aşyryldy.
Merkezi blokly orta derejeli we gapdal güýçlendirijili raketa üç sany hemrany, ýagny New March-01, New March-02 we TS-01 hemralaryny orbita çykardy.
Agramy 4,2 tonna töweregi bolan New March-02 hemrasy üç ýyla çenli işletmek we orbitada tehnologiki synaglary geçirmek üçin niýetlenendir. New March-01hemrasy kiçi kosmos laboratoriýasy hökmünde hyzmat edýär. TS-01 bolsa bilim maksatlary üçin ulanylýar.
CAS Space bu uçurylyşyň hususy kompaniýalar bilen döwlet kosmos maksatnamasynyň arasyndaky hyzmatdaşlygyň güýçlenýändigini görkezýändigini belledi.
Kompaniýa Hytaýyň orbital stansiýasyna ýükleri eltmek taslamalaryna gatnaşýar. "Söwda raketalary diňe bazaryň isleglerini kanagatlandyrmak üçin däl, eýsem inženerçilik standartlarynda uly möçberli milli missiýalara gatnaşmak üçin hem möhümdir" diýip, CAS Space-iň wise-prezidenti Ýan Haolýan belledi.
Ol Kinetica-2-niň uçurylyş bahasynyň eýýäm Falcon 9-yňky bilen deňeçerdigini we gaýtadan ulanylyp bilinýän tehnologiýalaryň ornaşdyrylmagynyň ony takmynan iki esse azaltjakdygyny belledi.
