Bütindünýä boks assosiasiýasynyň (WBA), Bütindünýä boks guramasynyň (WBO) we Halkara boks federasiýasynyň (IBF) ýarym agyr agram boýunça dünýä çempiony, russiýaly Dmitriý Biwol germaniýaly Mihael Eýfert bilen titul ugrunda göreşer. Bu barada «Matchroom Boxing» metbugat gullugy habar berdi.
Tutluşyk 30-njy maýda Ýekaterinburg şäheriniň «UGMK-Arena» desgasynda geçiriler we ol RCC ýaryşynyň esasy wakasy bolar.
Biwolyň hasabynda 24 ýeňiş (12-si nokaut bilen) we bir ýeňliş bar. Ol 2024-nji ýylyň oktýabrynda watandaşy Artur Beterbiýewden ýeňlipdi, ýöne 2025-nji ýylyň fewralynda ondan rewanş almagy başardy.
Biwolyň garşydaşy, 28 ýaşly Mihael Eýfertiň hasabynda 13 ýeňiş we bir ýeňliş bar. Nemes boksçysy häzirki wagtda Biwola degişli bolan IBF guşagyna hökmany dalaşgärdir.
