Halkara Buker baýragynyň guramaçylary 2026-njy ýyl üçin finalçylaryň «gysga sanawyny» yglan etdiler. Bu abraýly baýrak diňe bir edebi şöhraty däl, eýsem awtorlar we terjimeçiler üçin uly möçberli pul sylagyny hem wada berýär.
Finalçylaryň sanawy:
- Mari Ndiýaý – «Arwah» («Ведьма»);
- Ana Paula Maýa – «Ýer ýüzünde, bolşy ýaly» («На Земле как она есть»);
- Daniel Kelman – «Režissýor» («Режиссёр»);
- Rene Karabaş – «Şol, galan zenan» («Та, кто остаётся»);
- Şida Bazýar – «Tähranda ümsüm gijeler» («В Тегеране тихие ночи»);
- Ýan Şuan-szy –«Taýwan syýahatnamasy» («Тайваньский травелог»).
Ýeňiji bolan kitap üçin jemi 65 000 dollar töweregi (50 000 funt sterling) pul sylagy berilýär. Bu serişde awtor bilen terjimeçiniň arasynda deň (32 500 dollardan) bölünýär.
Gysga sanawa giren her bir kitaba takmynan 6 500 dollar (5 000 funt sterling) berilýär. Bu pul hem awtor we terjimeçi üçin deň (3 250 dollardan) paýlanýar.
Ýeňijiniň ady 19-njy maýda Londonyň «Teýt Modern» muzeýinde geçiriljek dabarada mälim ediler.
2026-njy ýylyň baýragy «Bukhman Philanthropies» gaznasynyň goldawy bilen geçirilýär.
