2026-njy ýylyň 10-12-nji apreli aralygynda Melburnda (Awstraliýa) abraýly awtosalon geçiriler. Şäheriň Halkara sergi merkeziniň meýdançasynda ýigrimä golaý awtomobil brendi we awtomobillere hyzmat ediş ulgamynda işleýän kyrkdan gowrak kompaniýa öz önümlerini tanyşdyrar.
Gatnaşyjylaryň arasynda BYD, Kia, Volvo, Volkswagen, GWM, Geely, Renault, Tesla, Honda, JAC, GAC, Zeekr, Farizon, MG, Polestar, Skoda, Smart we Isuzu ýaly brendler bar.
Şol bir wagtyň özünde, birnäçe iri öndürijiler bu sergä gatnaşmaz. Olaryň sanawynda Toyota, Ford, Mazda, Hyundai, Mitsubishi, Chery, BMW, Audi we Porsche bar.
Guramaçylar awtosalonda täze modelleriň dünýä derejesindäki premýeralarynyň meýilleşdirilendigini habar berýär. Sergide GAC Aion UT krossoweriniň, ýolsuz ýerde sürmek üçin GWM Tank 300 PHEV gibrid awtomobiliniň, täzelenen Honda Prelude kupesiniň, şeýle hem Honda Super One modeliniň görkezilmegine garaşylýar.
MG brendiniň diwarlygyna aýratyn üns berler. Kompaniýa MG 4 Urban şäher hetçbegini, orta derejeli elektrik krossowerini we MG U9 pikapynyň täze wersiýasyny hödürlär.
