Londondaky «Chessington World of Adventures» seýilgähiniň çäginde 2027-nji ýylda «Minecraft World» tematiki seýilgähi açylar. Variety neşiriniň habar bermegine görä, desganyň gurluşygynyň bahasynyň 70 million dollar töweregi bolmagyna garaşylýar.
Taslamany işläp düzmek bilen «Mojang Studios» we «Merlin Entertainments» kompaniýalary meşgullanar. Bu meşhur «Minecraft» wideo oýnunyň äheninde dörediljek dünýädäki ilkinji dynç alyş seýilgähi bolar.
Taslamanyň suratlandyrmasynda bellenilişi ýaly, «Minecraft World ähli döwürleriň iň köp satylan oýnuny fiziki dünýä geçirer».
Seýilgähiň çäginde attraksionlary gurmak, interaktiw kwestleri we oýundaky bloklar stilinde bezelen oýun zolaklaryny döretmek meýilleşdirilýär. Şeýle-de bu ýerde tematiki dükanlar we restoranlar hem açylar.
«Minecraft World» taslamasynyň awtorlary bu giňişligi oýnuň wirtual älemine mümkin boldugyça meňzetmegi we gelýänlere onuň özboluşly gurşawyny duýdurmagy maksat edinýärler.
