Bugatti kompaniýasy Factor Bikes bilen hyzmatdaşlykda döredilen Factor One sport welosipedi bilen tanyşdyrdy. Modeliň her biriniň bahasy 23 599 dollar bolup, ondan 250 sany çäkli önümçilik tapgyryny çykarmak meýilleşdirilýär.
Ýokary baha häzirki zaman tehnologiýalarynyň we materiallarynyň ulanylýandygy bilen düşündirilýär. Welosipediň çarçuwasy karbondan ýasalyp, aerodinamika göz öňünde tutulyp taýýarlanan.
Uglerod süýümi öň zynjyr halkasynda, pedal böleklerinde we tigir disklerinde hem ulanylýar. Bu bölekleriň umumy agramy 1298 gramdyr.
Bu model üçin tekerler Continental tarapyndan işlenip düzüldi we eýeri ýörite şu welosiped üçin döredildi.
Dizaýnda gara reňkler we Bugatti-niň özboluşly gök reňkli bezegleri bar. Ramada uly görnüşde brendiň ady we onuň nyşanlarynyň biri bolan “Tans edýän piliň” suraty bar.
Welosipediň bahasy awtoulagyň bahasy bilen deňeçer: ABŞ-da şol baha täzeje Toyota Corolla satyn alyp bolýar.
