Union Pacific kompaniýasy dünýäniň iň uly işleýän parowozy bolan «Big Boy No. 4014-i» ýurduň 250 ýyllyk baýramçylygy mynasybetli ABŞ boýunça syýahata ugratdy. Gezelenç 29-njy martda Waýoming ştatynyň Şaýenn şäherinden başlanar.
Parowoz birnäçe ştatlaryň içinden geçip gider. Ilkinji duralga hökmünde Kaliforniýada duran «polat at», Newada we Ýuta ştatlaryndan hem geçer. Ýakyndan tomaşa etmek isleýänler üçin sergiler 10–11-nji aprelde Rozwillde we 18–19-njy aprelde Ogdende geçiriler. Şeýle-de, onuň hereketini internetde onlaýn-treker arkaly hem yzarlap bolar.
1941-nji ýylda agyr ýükleri daşamak üçin şeýle ulaglaryň 25-siniň öndürilendigine garamazdan, şu günlere çenli olaryň diňe 8-si saklanyp galypdyr. «Big Boy» bolsa şolardan ýekeje işlemäge ýaramlysydyr. Ulanylan döwründe 1,6 million kilometrden gowrak ýol geçen lokomotiw 1961-nji ýylda hyzmatdan aýrylsa-da, 2019-njy ýylda ýene gaýtadan dikeldildi.
Parawozyň uzynlygy takmynan 40 metr, agramy 540 tonna barabar. Göwresiniň äpetligi zerarly öwrümlerde kynçylyk çekmezi ýaly, onuň gurluşy çeýe bogunly görnüşde ýasalandyr.
Baharyň ahyrlarynda marşrutyň gündogar bölegi hem işe giriziler. Özi-de şu gezek parowozyň taryhda ilkinji ýola Atlantik okeanynyň kenaryna çenli barmagyna garaşylýar.
