Bäsleşikli söwda öýi «Bonhams» 2021-nji ýylda bergili çykyp, öz işini togtadan Ralph & Russo-nyň 322 sany dizaýner lybasyny satuwa çykardy.
Satuwa çykarylan gymmatbahaly geýim-gejimleriň, aýakgaplaryň we beýleki esbaplaryň içinde öň Megan Markl, Monika Belluççi, Heýli Biber, Rita Ora we Jessika Alba ýaly meşhurlara degişli bolan zatlar hem bar. Özi-de, bu egin-eşikleriň köpüsi, dünýä belli ýyldyzlaryň egninde «gyzyl halyçalarda» lowurdan lybaslardyr.
Ýekeje nusgada, el işi bilen döredilendigine garamazdan, satuwda olaryň nyrhlary asyl bahasyndan ep-esli pes görkezilýär.
Ralph & Russo öz wagtynda Fransiýanyň Ýokary moda federasiýasy tarapyndan ýokary derejeli kolleksiýalary döretmäge resmi taýdan rugsat berlen ýeke-täk britan moda öýüdi. WWD neşiriniň maglumatyna görä, kompaniýa koroniwirus pandemiýasy zerarly ýüze çykan ykdysady kynçylyklaryň öňünde durup bilmän, çökgünlige uçrady.
