Samsung kompaniýasy 25-nji martda Galaxy A hatarynyň täze smartfonlarynyň tanyşdyrylyşyny geçirer. Bu baradaky maglumat Samsung India resmi saýtynda peýda boldy. Sahypada tanyşdyrylyşyň senesi we ýerli wagt bilen sagat 17:30-da başlanjakdygy baradaky mahabat bölümi ýerleşdirildi.
Kompaniýa heniz anyk modelleriň adyny tutmady, ýöne syzyp çykan maglumatlara görä, gürrüň Galaxy A37 we Galaxy A57 modelleri barada gidýär.
Mahabat suratlandyrmasynda enjam gapdalyndan görkezilýär: onda "Key Island" çarçuwasy, çykyp duran kamera blogy we inçe korpus görünýär. Suratda görkezilen enjamyň öňki wersiýasyndan has inçe bolan Galaxy A57 modelidigi çaklanylýar.
Hindistandaky tanyşdyrylyşyň global satuwa çykarylyşyň bir bölegi bolup-bolmajakdygy takyklanmaýar.
