DosZone Team topary Counter-Strike 1.6 oýnunyň brauzer wersiýasyny çykardy. Bu taslamany taýýarlamak üçin takmynan alty aý sarp edildi we oýunçylaryň gatnaşmagynda iki hepdelik synagdan geçdi.
Oýun toparyň goşmaça kämilleşdirmeleri bilen "Xash3D" hereketlendirijisinde işleýär hem-de mugt, mahabatsyz we hiç hili tölegsiz elýeterlidir. Ulanyjylar üçin 33 sany karta, şol sanda de_dust2, cs_office, assault we fy_pool_day ýaly meşhur kartalar hödürlenýär.
Oýunda botlar we köp ulanyjyly (multiplayer) tertip goldanylýar, ony kompýuterlerde we ykjam enjamlarda oýnap bolýar.
Taslamanyň aýratynlygy — ýörite serwer güýçlerini talap etmeýän ulgamydyr. Oýunçylar açyk ýa-da şahsy otaglary döredip bilýärler. Eger oýun dörediji ulgamdan çyksa, dolandyryş awtomatiki usulda başga bir gatnaşyja geçýär we oýun dowam edýär.
Mundan ozal bu topar "Heroes of Might and Magic III", "GTA: Vice City", "DOOM" we "Quake" ýaly beýleki oýunlary hem brauzer giňişligine geçiripdi.
