«Wedmak 3» oýnundaky iň gynançly hem gorkunç ýerleriň birini döretmäge ylham beren dub agajy Polşada döwlet tarapyndan goralýan tebigat ýadygärligi diýlip ykrar edildi. Bu barada Reddit forumynyň ulanyjylary habar berdiler.
Gürrüň muşdaklaryň arasynda Geralt diýlip atlandyrylýan dub agajy barada gidýär. Ol Warşawada, «CD Projekt Red» studiýasynyň baş edarasynyň edil gabat garşysynda ösüp otyr. Indi bu agajy ýerli ekologiýa gulluklary gorag astyna aldy.
Oýun işlenip düzülýän wagtlary studiýanyň işgärleriniň agajy öz binalarynyň penjiresinden garşy-garşy synlandyklary belli zat. Şol sebäpli-de, ulanyjylar oýnuň Welen sebitindäki meşhur «Dar agajy» (Дерево висельников) atly ýeriniň döredilmegine hut şu dub sebäp bolandyr diýip güman edýärler.
Agajyň boýy takmynan 22 metr, ýaýrawy 4 metre ýetýär. Gorag derejesi berleninden soň, Polşanyň kanunçylygy dubuň golaýynda gurluşyk işlerini geçirmegi, şeýle hem oňa zeper ýetirip biljek islendik hereketi gadagan edýär.
Bu künjek öňden bäri hem syýahatçylary we «CD Projekt Red» studiýasynyň oýunlarynyň muşdaklarynyň uly höwes bilen gelýän ýeri bolup durýardy.
