Mehiko şäheriniň meşhur Sokalo meýdançasynda taryhda iň uly köpçülikleýin futbol türgenleşigi geçirildi. Oňa 9 500 adam gatnaşdy we bu görkeziji täze dünýä rekordyny goýmaga mümkinçilik berdi.
Çäre wagtynda uly meýdança äpet, açyk asmanyň astyndaky türgenleşik meýdançasyna öwrüldi. Gatnaşyjylar tälimçileriň görkezmelerine eýerip, futbol maşklaryny bir wagtda ýerine ýetirdiler we top depiş tärlerini işlediler.
Ginnesiň rekordlar kitabynyň wekili bu üstünligi resmi taýdan tassyklady. Täze netije 2025-nji ýylda Sietlde (ABŞ) goýlan öňki rekorddan geçmegi başardy.
Bu çäre Meksikanyň nobatdaky futbol boýunça dünýä çempionatynyň açylyşy mynasybetli geçiriljek duşuşyga görýän taýýarlyklarynyň çäginde guraldy. Onuň esasy maksady, ýurduň baý futbol däp-dessurlaryna üns çekdirmekden ybaratdyr.
