Psihologlar programmalardaky lentalary geçirenlerinde näme üçin adamlaryň saklanyp bilmeýändigini düşündirdiler we şeýle hereketi edýärkäň özüňi gaýtadan ele almagyň usulyny teklip etdiler.
Soňsuz skrolling - bu sahypa aşak geçirildigisaýy mazmunyň ýüklenmek funksiýasydyr. Ol sosial mediada (TikTok, Instagram, X), onlaýn dükanlarda we wideo hyzmatlarynda ulanylýar. Bilermenleriň pikirine görä, bu meseläniň sebäpleriniň biri tebigy togtama nokadynyň ýoklugydyr: ulanyjy mazmunyň gutarandygy barada hiç hili signal almaýar.
Ýene bir faktory - täze, gyzykly mazmuna garaşylmagydyr. Algoritmler ulanyjylaryň gyzyklanmasyny goldamak arkaly, olaryň isleglerine esaslanýan ýazgylary saýlaýar we yzygiderli görmegi dowam etmäge höweslendirýär.
Bilermenler tehniki çäklendirmelerden başlamagy maslahat berýärler. Mysal üçin, smartfonyňyzda ekran wagtyny dolandyryş funksiýasyny ulanyp ýa-da sosial mediany awtomatiki usulda togtadýan, interfeýsiň wizual gözelligini peseldýän ýa-da girişi wagtlaýynça petikleýän programmalary gurnap bilersiňiz.
Şeýle hem, telefonyňyzdan sosial media programmalaryna girmegi kynlaşdyrmak üçin olary aýyrmak ýa-da wideolary görmek üçin gündelik çäklendirilen wagt bölüp goýmak maslahat berilýär.
Uzak möhlete täsir etmegi üçin bilermenler bu endigiň sebäplerini seljermegi maslahat berýärler. Olaryň aýtmagyna görä, skrolling kyn, dartgynly işlerden ýa-da käbir duýgulardan gaça durmagyň bir usuly bolup biler.
Sosial medianyň özüňize hakykatda nä derejede "gerekdigi" barada pikirleniň. Ony öz peýdaňyz üçin işjeň ulanýarsyňyzmy (meselem, biznesiňizi öňe sürmek üçin) ýa-da bilesigelijilikden hasaba alyndyňyzmy we özüňizden munuň näme üçin gerekdigini sorap gördüňizmi? Eger gürrüň ikinjisinde bolsa, onda oňa sarp edýän wagtyňyzy azaltsaňyz, nämeler gazanyp bilersiňiz we onsuz durmuşyňyz erbetleşäýermikä - bular barada oýlanmagyň wagty geldi.
Bu wariantlar wagt we tagalla talap eder, ýöne olar size endikleriňizi seljermäge we durmuşyňyzy tertibe salmaga kömek eder.
