Ady belli K-pop topary Blackpink-iň aýdymçysy Roze Levi’s brendiniň täze global ilçisi boldy. Bu hyzmatdaşlygyň çäginde brend «Backstory» atly gysga wideony hödürledi. Onda aýdymçy gyz özüniň döredijilik ýoly we geýiniş stili barada gürrüň berýär.
Bu hyzmatdaşlyk brendiň «Behind Every Original» atly kampaniýasynyň dowamy bolup durýar. Şu ýylyň dowamynda Levi’s Roze bilen bilelikde, onuň şahsy stilinden ylham alnyp döredilen täze toplumy satuwa çykarar. Bu bolsa muşdaklara meşhur aýdymçynyň estetikasyny Levi’s-iň önümleri arkaly gaýtalamaga mümkinçilik berer.
Mundan ozal, Blackpink toparynyň Tokioda geçiren konsertinde hem Roze Levi’s tarapyndan ýörite elde taýýarlanylan lybaslarda çykyş edipdi. Şol lybaslar häzirki wagtda brendiň Tokionyň Haradzýuku etrabyndaky dükanynda sergi hökmünde goýuldy.
