Alfa Romeo 33 Stradale modeli Portugaliýanyň iň meşhur awtomobil bäsleşiginde «Ýylyň dizaýny» baýragyna mynasyp boldy.
Dizaýnyň, inženerçilik çözgütleriniň we duýgy täsiriniň ajaýyp sazlaşygy hasaplanýan bu model stil, funksionallyk hem-de ýerine ýetiriliş hili taýdan bahalandyrylýan kategoriýada birinji orny eýeledi.
Bäsleşige gatnaşmak üçin awtomobil Portugaliýa getirilip, eminler toparyna ýapyk tanyşdyrylyşda görkezildi. Hünärmenler modeliň aýratynlyklaryny — onuň ölçeglerini, kuzowynyň görnüşini we estetika bilen tehniki çözgütleriň sazlaşygyny jikme-jik öwrenmäge mümkinçilik tapdylar.
Mundan başga-da, awtomobil Lissabondaky Armando Martins adyndaky häzirkizaman sungat muzeýinde (MACAM) ýörite sergilendi. Ol ýerde bu model sungat meýdançasynda awtomobil dizaýnynyň naýbaşy nusgasy hökmünde tomaşaçylara hödürlendi.
Awtomobiliň Portugaliýa bilen baglanyşygyny Razão Automóvel portugal kompaniýasy tarapyndan düşürilen «Gyzyl reňkli arzuw» («Мечта в красном») atly wideorolik hem subut edýär. Bu wideo «International Motor Film Awards 2025» baýragyna dalaşgär hökmünde hödürlendi.
Alfa Romeo 33 Stradale diňe bir dizaýny bilen däl, eýsem çäkliligi bilen hem meşhurdyr. Häzirki wagtda bu awtomobiliň dünýä boýunça diňe 33 sany nusgasy bar.
