Çilili Smilýan Radiç Klark 2026-njy ýylyň Pritzker binagärlik baýragynyň eýesi diýlip yglan edildi. Bu barada baýragyň resmi web sahypasynda habar berilýär.
Köplenç binagärlik ugry boýunça Nobel baýragyna deňelýän bu baýraga Santýagoda ýaşaýan ussat binagär "ümsüm emosional manylylygy we ynsan tejribesine üns berýänligi" bilen tapawutlanýan taslamalary üçin mynasyp görüldi.
Emin agzalary onuň binalarynyň "goraglylyk we ynsan ejizligine usully çemeleşmek duýgusyny" döredýändigini nygtadylar.
Otuz ýyldan gowrak iş tejribesiniň dowamynda binagär Latyn Amerikasynda we Ýewropada köp sanly medeni merkezleriň, jemgyýetçilik giňişlikleriniň we hususy rezidensiýalaryň dizaýnyny düzdi. Onuň 1995-nji ýylda esaslandyran Smiljan Radi Clarke firmasy halkara taslamalarynyň üstünde işjeň işlemegini dowam etdirýär.
Klark baýragyň 55-nji eýesi boldy. Bu abraýly dereje bilen birlikde, ýeňiji bürünç medalýon, sertifikat we 100 000 dollar möçberinde pul baýragyny alýar.
