Xiaomi kompaniýasy täze Xiaomi Book Pro 14 modeliniň tizer suratlaryny hödürledi. Bu kompaniýanyň 2023-nji ýylyň ahyrynda Xiaomi Book 14 modeli çykany bäri Xiaomi brendli ilkinji noutbugy boldy. Täze önüm ýakynda Hytaýda tanyşdyrylar.
Hödürlenen suratlardan görnüşi ýaly, noutbuk inçe metal korpusa eýe bolar we ol üç reňkde: gök, ak we çal reňklerde çykar. Maglumatlara görä, model berk magniý garyndysyndan ýasaldy, korpusynyň aşaky bölegi bolsa uglerod süýüminden taýýarlandy. Şeýle hem klawiaturanyň gurluşynda ýeňil titan garyndysy ulanyldy. Şunuň netijesinde noutbugyň agramy 1,08 kg töweregi boldy.
Öndürijilige Intel Core Ultra X7 358H prosessory jogap berýär. Gurluşda ýörite howa aýlanyş ulgamy, uly bug kamerasy we pes sesli wentilýator bilen sowadyş ulgamy oturdyldy. Şeýle hem noutbugyň Intel Core Ultra 5 325 prosessorly has elýeter wersiýasynyň bolmagyna garaşylýar.
Deslapky maglumatlara görä, alyjylara 24 ýa-da 32 GB operatiw ýady we 1 TB SSD bolan görnüşler hödürlener.
