ABŞ-nyň awtomobil bazarynda Lexus ES sedanynyň täze nesli üçin baha sanawy yglan edildi. Bu täze model indi müşderilere hem doly elektrik, hem-de gibrid güýç gurnamalary bilen hödürlenýär.
Öň tarapdan çekiji bolan başlangyç elektrik "ES 350e Premium" wersiýasynyň bahasy 48 795 dollardan başlaýar. Bu ulagyň hereketlendirijisi 220 at güýjüni öndürýär we ol 96 km/sag tizlige 7,7 sekuntda ýetmegi başaryp, EPA sikline görä bir gezekki zarýad bilen 483 kilometr ýol geçip bilýär.
Has ýokary öndürijiligi halaýanlar üçin niýetlenen, ähli tekerleri çekiji "ES 500e Premium" elektrikli modeli bolsa 51 795 dollardan müşderilere ýetiriler. Bu wersiýanyň güýji 338 at güýjüne deň bolup, ol 96 km/sag tizlige bary-ýogy 5,4 sekuntda çykýar, emma onuň geçýän aralygy 402 kilometr töweregi bolup durýar. Şeýle hem, modeliniň gibrid görnüşi bolan "ES 350h Premium" modeliniň öňden çekijisi (FWD) 50 995 dollardan, ähli tekerleri çekijisi (AWD) bolsa 52 395 dollardan satuwa çykarylar.
Täze Lexus ES-iň ähli wersiýalary 14 dýuýmlyk uly ekrana eýe bolan multimediýa ulgamy bilen enjamlaşdyrylyp, olar simsiz Apple CarPlay we Android Auto hyzmatlaryny doly goldaýarlar. Mundan başga-da, awtoulagyň elektrik görnüşleri hemişelik tok (DC) arkaly çalt zarýad bermek funksiýasyna eýedir. Bu tehnologiýa arkaly ulagyň akkumulýatoryny 10 göterimden 80 göterime çenli bary-ýogy 30 minudyň dowamynda zarýadlamak mümkindir.
