«Ýylyň bütindünýä awtoulagy» (World Car of the Year) bäsleşiginiň emin agzalary her kategoriýa boýunça finala çykan modelleri mälim etdiler. Birnäçe ugurda ýeňiş gazanmaga esasanam BMW we Hyundai markalarynyň awtoulaglary dalaş edýärler. Ýeňijileriň ählisi 1-nji aprelde Nýu-Ýorkda geçiriljek halkara awtosalonyň dowamynda yglan ediler.
Bäsleşigiň iň esasy baýragyna mynasyp bolmak ugrunda BMW iX3, Hyundai Palisade we Nissan Leaf modelleri bäsleşýärler.
- «Ýylyň elektromobili» kategoriýasynda bolsa BMW iX3, Mercedes-Benz CLA we Nissan Leaf modelleri finala çykmagy başardylar.
- Iň oňat premium awtoulagy adyna dalaş edýänleriň hatarynda Cadillac Vistiq, Lucid Gravity we Volvo ES90 ýaly kaşaň modeller bar.
- Sport awtoulaglarynyň arasynda BMW M2 CS, Chevrolet Corvette E-Ray we Hyundai Ioniq 6 N öňe saýlandy.
- Şäher modelleriniň finalynda bolsa Baojun Yep Plus/Chevrolet Spark EUV, Firefly we Hyundai Venue ýaly ulaglar bäsleşer.
- «Iň oňat dizaýn» ugrundaky baýrak üçin bolsa Kia PV5, Mazda 6e/EZ-6 we Volvo ES90 modelleri özara güýç synanyşarlar.
Ýatladyp geçsek, ýanwar aýynda «Demirgazyk Amerikada ýylyň awtoulagy» bäsleşiginiň hem netijeleri jemlenipdi. Şonda Dodge Charger kupesi ýylyň ýeňil awtoulagy diýlip yglan edildi. Pikaplaryň arasynda Ford Maverick modeliniň Lobo wersiýasy iň gowusy diýlip ykrar edilen bolsa, krossowerleriň we wnedorožnikleriň kategoriýasynda Hyundai Palisade ýeňiş gazanmagy başardy.
