Türkmenistanyň Magtymguly adyndaky Ýaşlar guramasynyň Merkezi geňeşiniň ýanyndaky «Arkadagly Ýaşlar» elektron žurnalynyň 2026-njy ýyldaky ikinji sany okyjylara gowuşdy.
Neşiriň bu sany türkmen bedewiniň waspyna, sportuň ähmiýetine we döwrebap bilim ulgamynyň meselelerine bagyşlanan «Türkmen bedewi – belent ösüşleriň nusgasy», «Sport – ýaşlygyň ýarany» we «Başlangyç synpda ünslüligi ösdürmegiň esaslary» ýaly makalalar bilen açylýar.
Žurnalda kazyýet ulgamy we halkara hukuk tejribesi ýaly ugurlar boýunça hünärmenleriň makalalaryna hem giň orun berlipdir. Mundan başga-da, neşirde okyjylara diplomatiýa, ykdysadyýet hem-de iňlis dilinde Magtymguly Pyragynyň döredijilik dünýäsi baradaky çykyşlar hödürlenilýär.
Edebiýat muşdaklary üçin häzirki zaman şahyrlarynyň şygyrlary, Keýmir serdar baradaky makala we mart aýynyň täleýnamasy žurnalyň mazmunyny has-da baýlaşdyrýar. Ahyrky sahypalarda «Ýaş waspçy» döredijilik bäsleşiginiň ýeňijisi bilen tanyşdyrylyp, täze döredijilik bäsleşigi yglan edilýär.
