Samsung dükanlara baryp görmezden, täze flagman seriýasy Galaxy S26 bilen tanyşmagyň özboluşly usulyny hödürledi. Resmi tanyşdyrylyşyndan birnäçe gün geçensoň, täzelenen Try Galaxy web-hyzmaty işe girizildi. Bu hyzmat islendik döwrebap smartfonda — hem Android, hem iPhone ulgamlarynda Galaxy S26 Ultra-ny synap görmäge mümkinçilik berýär.
Munuň üçin ulanyjy mobil brauzer arkaly hyzmatyň saýtyny açyp, Try Galaxy belgisini esasy ekrana goşmaly. Programma işledilenden soň, telefonyň interfeýsi üýtgeýär we Samsung-yň özboluşly One UI 8.5 gabygynyň (ulanyjy interfeýsiniň) işleýşini görkezýär.
Simulýatorda işçi ekranlaryny görüp, sazlama menýusyny açyp, bildirişler panelini, çalt buýruklary we goşundylar sanawyny gözden geçirip bolýar.
Bu hyzmat 2026-njy ýylyň modeliniň esasy mümkinçiliklerini görkezmek üçin niýetlenendir. Mundan başga-da ulanyjylar interaktiw görnüşde terjime we redaktirleme üçin niýetlenen Galaxy AI funksiýalary bilen tanşyp, şeýle hem ekrany keseki gözlerden goramak tehnologiýasy bolan Privacy Display-iň işine baha berip bilerler.
