Mark Sukerberg «bunker-adada» 170 million dollara emläk satyn aldy

Amerikaly telekeçi Mark Sukerberg aýaly Prissilla Çan bilen bilelikde Indian-Krik emeli adasynda rekord 170 million dollara emläk satyn aldy. Bu barada Bloomberg agentligi çeşmelere salgylanyp habar berdi.
Bu ada «milliarderleriň bunkeri» hökmünde hem tanalýar. Žurnalistleriň bellemegine görä, bu satyn alyş Maýaminiň taryhynda iň gymmat şertnama boldy.
— Sukerberg jaýy meşhur plastik hirurgy Aaron Rollinsden we onuň aýaly Marinden satyn aldy. Ýer böleginde gurluşygy bölekleýin tamamlanan jaý ýerleşýär. «Jills-Zeder» toparyndan Jill we Denni Hersberg satyjylaryň wekili hökmünde çykyş etdi — diýlip, habarda bellenilýär.
Şeýlelikde, Sukerberg Kaliforniýada «milliarderleriň salgydy» baradaky teklipden soň, Maýamidäki iň gymmat jaýlary satyn alan amerikaly milliarderleriň barha giňelýän sanawyna goşuldy. Adada jemi 40-a golaý rezidensiýa bar, olaryň hatarynda «Amazonyň» esaslandyryjysy Jeff Bezosyň, ABŞ-nyň prezidentiniň giýewi Jared Kuşneriň we maliýeçi Karl Aýkanyň hem emläkleri bar.
Mark Sukerbergiň Maýaminiň abraýly sebitinde gozgalmaýan emläk satyn almagy meýilleşdirýändigi barada maglumat fewral aýynyň başynda peýda bolupdy.