Subaru kompaniýasy ABŞ-da 69 153 gibrid krossoweri yzyna çagyrýar. Yza çagyryş 2026-njy ýylyň Crosstrek Hybrid we 2025-nji ýylyň Forester Hybrid modellerine degişlidir. Yza çagyryş ýangyç bakynyň gapagyndan ýangyjyň syzmagynyň mümkindigi sebäpli geçirilýär.
Temperatura ýokarlananda we bagyň gapagyna çenli dolanda benzin çişip, artykmaç basyş dörär we ýangyç daşyna çogup biler. Bu mesele gapagyň korpusy bilen prokladkanyň arasynyň ýeterlik jebislenmändiginden gelip çykýar. Golaýynda oduň çeşmesi bolan ýagdaýynda, bu ýangyn howpuny artdyrýar.
Kompaniýa ýangynyň ýa-da şikes ýetmäniň hasaba alynmandygyny belleýär. Şeýle-de bolsa, ABŞ-da ýangyjyň syzýandygy barada 33 habar gelip gowşupdyr.
Derňew 2025-nji ýylyň dekabrynda başlandy. Inženerler kemçiligi synagda gaýtalap gördüler, şondan soň goşmaça O görnüşindäki halkaly täzelenen prokladkany oturtmak kararyna gelindi.
Crosstrek Hybrid-iň önümçiligi mart aýynda düzediler we dilerlik ulgamyndaky ulaglar müşderilere eltip berilmezden öň tehniki hyzmatdan gözden geçiriler. Abatlaýyş işleri tamamlanýança, eýelerine ulaglaryny binalardan uzakda ýerleşen açyk ýerlerde goýmak we ýangyç bakyna ýangyjy ýarymdan aşakda edip guýmak maslahat berilýär. Müşderilere habarlar 25-nji martdan başlap ugradylyp başlanar.
