Türkmenistanda «Türkmenstandartlary» baş döwlet gullugynyň synag barlaghanalaryny halkara akkreditasiýadan tapgyrlaýyn geçirmek meýilleşdirilýär. Bu barada anna güni geçirilen Ministrler Kabinetiniň sanly ulgam arkaly nobatdaky mejlisiniň dowamynda Ministrler Kabinetiniň Başlygynyň orunbasary H.Geldimyradow hasabat berdi diýip.
Hasabata görä, degişli edara standartlaşdyrmak we sertifikatlaşdyrmak ulgamynda işleriň hilini ýokarlandyrmak boýunça yzygiderli çäreleri durmuşa geçirýär. Bu işleriň çäklerinde hereket edýän ikitaraplaýyn ylalaşyklaryň esasynda daşary ýurtlaryň akkreditasiýa boýunça öňdebaryjy ugurdaş guramalary bilen hyzmatdaşlyk berkidilýär. Amala aşyrylýan çäreleriň esasy maksady hil gözegçiligi amallaryny umumy kabul edilen dünýä talaplaryna laýyk getirmekden ybaratdyr.
Prezident Serdar Berdimuhamedow hödürlenen tekliplere seredip, gullugyň maddy-tehnik we usulyýet binýadyny yzygiderli kämilleşdirmegiň möhümdigini belledi. Döwlet Baştutany halkara standartlary nazara almak bilen ugurdaş işleri döwrebaplaşdyrmak baradaky başlangyçlary goldady we wise-premýere bu ugurdaky wezipeleriň netijeli amala aşyrylmagyny üpjün etmegi tabşyrdy.
