2026-njy ýylyň ýaz-tomus möwsüminde 90-njy ýyllarda ýoň bolan içi görünýän köwüşler moda görä geýinmegiň baş alamatlarynyň biri bolar. Şunlukda köwüşleriň häzirki zaman materiallary bilen utgaşdyrylan sypaýy görnüşleri ýene-de moda dünýäsine gaýdyp geler.
Täzeligiň esasy ündewçileri Chloé we Bottega Veneta-nyň dizaýnerleri öz görkezilişlerinde ýeňiljek we wizual saýhallylyk döredýän, poliwinihlorid materialyndan ýasalan modelleri görkezdiler. Loewe brendiniň täze dizaýnerleri Jek Makkalou we Lazaro Ernandes üçin debýut bolan şüweleňde hödürlenen toplumda pessejik ökjeli (kitten heel) içi görnüp duran ýapyk aýakgaplara aýratyn äheň berildi.
Bilermenler, polimer materiallarynyň ulanylmagynyň deri we mahmal ulanmagyň däbe dönen düzgünini bozýandygyny belleýärler. Podiumlarda geometrik lofeler, Méri-Jeýn aýakgaplary, kloglar we krossowka-snikerinler ýaly beýleki ugurlar hem hasaba alyndy. Sintetik materiallardan ýasalan aýakgaplary geýmekde rahatlygy üpjün etmek üçin, olary joraplar ýa-da golflar bilen utgaşdyrmak maslahat berilýär. Aýakýalaň geýlende, bu modeller içi görünýän aýakgaplaryň görnüşini ýatladýar.
