Jacquemus we Nike brendleri bahar möwsümi üçin Jacquemus x Nike Moon Shoe SP krossowkalarynyň täze reňklerini çykardy. Bu barada Hypebeast neşiri habar berýär.
Aýakgabyň dizaýny 1972-nji ýylyň taryhy modeline esaslanýar. Täze toplumda «Mylaýym merjen», «Goňur fauna» we «Alýumin bägül» atly üç sany reňk görnüşi hödürlenýär. Krossowkalar matadan taýýarlanyp, olaryň reňkine laýyk gelýän mahmal goşundylar köwüşleri has gelşikli we göze ýakymly görkezýär.
Ak deri bilen işlenen Swoosh logotipi dizaýnyň üstüni ýetirýär. Jacquemus brendiniň emblemasy bolsa aýakgabynyň dilinde we arkasynda ýerleşdirilipdir. Bu model özüne mahsus bolan goňur reňkli, «wafli» nagyşly daban bölegi bilen tapawutlanýar.
