Blackpink keý-pop toparynyň agzasy Lisa Nike markasynyň täze ambassadory boldy. Taraplar uzak möhletleýin hyzmatdaşlyk barada ylalaşyk baglaşdy diýip, Hypebae neşiri habar berýär.
Ýaňy-ýakynda Lisa Parižde aýagyna Air Max 95 krossowkasyny geýip, köpleriň ünsüni çekdi, bu täze hyzmatdaşlygyň ilkinji alamatlary hökmünde kabul edildi.
Lisanyň aýtmagyna görä, ol ýaşlyk ýyllarynda Nike Dunks krossowkasyny satyn almak üçin yhlas bilen pul ýygnapdyr. Şol sebäpli hem aýdymçy bu hyzmatdaşlygyň özi üçin aýratyn şahsy ähmiýetiniň bardygyny belleýär. Şeýle-de, onuň islegi, geýinmek medeniýeti arkaly ähli zenanlary özboluşly görünmäge çagyrmakdyr.
Nike bilen hyzmatdaşlygyň çäginde, Lisa täze diňleýji köpçüligini özüne çekmegi hem-de herekete, köçe stiline we sporta bolan gyzyklanmany artdyrmagy meýilleşdirýär.
Aýagynda Air Max 95: Blackpink-däki Lisa Nike-ň täze ambassadory boldy
- şu gün 11:38
- 1.7k+
