«Al-Nasryň» portugaliýaly hüjümçisi Kriştianu Ronaldu Herbalife kompaniýasynyň düzümindäki kärhananyň paýdary boldy.
Futbolçy 2013-nji ýyldan bäri bu kärhananyň ilçisi bolup, sport iýmiti önümlerini mahabatlandyryp gelýärdi. Indi bolsa Ronaldu has çynlakaý ädim edip, korporasiýa bilen gatnaşyklaryny öňkiden-de berkitdi we Pro2col Software kompaniýasynyň 10% paýyny 7,5 million dollara satyn aldy.
«On ýyldan gowrak hyzmatdaşlyk biziň gatnaşyklarymyzy ynamyň we umumy maksatlaryň ýokary derejesine çykardy. Pro2col kompaniýasyna maýa goýmak, şol gatnaşyklaryň tebigy ösüşidir. Biz adamlaryň öz saglygyna bolan garaýşyny hakykatdan hem üýtgedip biljek platformany emele getirmäge kömek edýäris. Men Herbalife bilen uzak möhletleýin taslamalaryň üstünde işlemäge uly höwes bilen çemeleşýärin» diýip, futbolçy belledi.
Kompaniýanyň ýolbaşçylary bolsa bu täzeligi: «12 ýyllap jemgyýeti peýdaly iýmitlenmäge, sagdyn durmuş ýörelgesine eýermäge höweslendirildi. Indi Herbalife bilen Kriştianu şahsy saglygy goraýyş ulgamynda täze bir tapgyry — ýöriteleşdirilen saglygy goraýyş döwrüniň düýbüni tutýar» diýip, gysgaça teswirleýärler.
