Donald Tramp ABŞ-nyň Ýokary kazyýetiniň kararyna jogap hökmünde, Amerikanyň Birleşen Ştatlaryna getirilýän ähli harytlar üçin «global pajy» 10%-den 15%-e çenli ýokarlandyrýandygyny mälim etdi. Ýurduň prezidenti bu barada özüniň Truth Social sosial torunda ýazgy galdyrdy.
Tramp geljek aýlarda «Amerikany öňkiden-de beýgeltmek maksady» bilen, administrasiýasynyň täze «kanuny taýdan rugsat berlen tarifleri» kesgitlejekdigini we işe girizjekdigini sözüniň üstüne goşdy.
20-nji fewralda ABŞ-nyň Ýokary kazyýeti Donald Trampyň dünýäniň köp ýurdundan gelýän harytlara birtaraplaýyn gümrük pajyny girizmek bilen federal kanunçylygy bozanlygy barada karar çykardy. Kazyýetiň pikiriçe, Tramp diňe adatdan daşary ýagdaýlara niýetlenen kanuny ulanmak üçin Kongresden rugsat almalydy.
Bu kararyň yzysüre Tramp ähli import harytlaryna ozal bar bolan paçlaryň üstüne goşmaça 10%-lik täze salgyt girizjekdigini yglan etdi. Indi bolsa bu görkezijini 15%-e çenli galdyrdy.
