Lego kompaniýasy Lando Norrisiň 2025-nji ýylda "Red Bull" toparynyň agalygyny soňlan "MCL39" bolidiniň täze modelini tanyşdyrdy. Bu konstruktor "McLaren" toparynyň 2025-nji ýyldaky taryhy ýeňişlerine bagyşlanýar.
Täze Lego toplumy asyl awtoulagyň 1:8 ölçegdäki nusgasy bolup, ol diňe bir daşky dizaýny däl-de, eýsem çylşyrymly tehniki bölekleri hem takyk gaýtalaýar.
Model 1675 sany detaldan ybarat. Uzynlygy 61 sm, ini 25 sm, beýikligi 13 sm.
Tehniki aýratynlyklary: işleýän podweska, dolandyryp bolýan rul ulgamy, hereket edýän hereketlendiriji we transmissiýa bölekleri.
Inženerler hatda asyl bolidde bolşy ýaly, açylyp-ýapylýan arka ganaty (DRS ulgamyny) hem goşmagy başardylar.
Bu toplumyň çykarylmagy "McLaren" üçin örän şowly geçen 2025-nji ýylyň möwsümi bilen baglydyr. Şol ýyl topar hünärmenleriň we janköýerleriň garaşyşy ýaly, hakyky öwrülişik edip, hem Konstruktorlaryň kubogyny, hem-de Lando Norris bilen sürüjileriň çempionatyny (şahsy birinjiligi) gazandy.
Lego "McLaren MCL39" toplumynyň ABŞ-daky resmi bahasy 230 dollar diýlip kesgitlendi. Onuň resmi satuwlary 1-nji martda başlaýar, emma eýýäm häzirden öňünden sargyt etmek mümkinçiligi döredildi.
