«Uly partlama teoriýasy («The Big Bang Theory») sitkomyndaky Raj Kutrappaliniň keşbi bilen tomaşaçylaryň söýgüsini gazanan aktýor Kunal Naýýar gijelerine GoFundMe platformasyna girip, özüni tanatmazdan, düýbünden ýat adamlaryň lukmançylyk çykdajylaryny töleýändigini boýun aldy. Aktýor bu işi özüniň «ýaşyryn borjy» hasaplaýar.
Naýýaryň baýlygy takmynan 45 million dollar möçberine barabar. Ol bu serişdeleriň aglaba bölegini serial arkaly gazandy. Soňky möwsümlerde onuň her bölüm üçin alýan haky 1 million dollara çenli ýetdi.
Aktýoryň aýtmagyna görä, pul onuň ruhuny gysmandyr ýa-da içki gapma-garşylyk döretmändir. Tersine, maddy erkinlik oňa hemmelere ýetdirmeýän – kömege mätäç adamlara ýardam etmek mümkinçiligini berýär.
Britaniýanyň iPaper neşirine beren interwýusynda Naýýar köplenç gyssagly haýyr-sahawat işleriniň arasyndan galapyn lukmançylyk çykdajylary bilen bagly kömegi saýlaýandygyny gürrüň berdi. Çünki şeýle ýardamyň esasynda, ujypsyzja mukdardaky pul bilenem, aý däl, hatda güni sanamaga mejbur edýän ýagdaýlary-da gowulyga tarap üýtgedip bolýar.
