Antoniýa Romeo Beýik Britaniýanyň döwlet raýat gullugynyň ýolbaşçysy we Ministrler Kabinetiniň sekretary wezipesine bellenildi. Hökümet sekretariatynyň ýaýradan beýanatynda bellenilişi ýaly, ol Kris Uormold wezipesinden çekilenden soňra, bu wezipäni eýelän ilkinji aýal maşgala boldy.
Wezipä bellenmek barada Beýik Britaniýanyň premýer-ministri Kir Starmer mälim etdi.
Täze ýolbaşçy 500 müň işgäri bolan döwlet apparatynyň işini utgaşdyrar.
«Men hanym Antoniýa Romeony Kabinetiň täze sekretary hökmünde bellemäge şat. Ol britan halkynyň bähbidine 25 ýyllyk iş tejribesi bolan görnükli döwlet gullukçysydyr» – diýip, edaranyň metbugat gullugy Starmeriň sözlerini getirdi.
Bu wezipeden öň, 2025-nji ýylyň aprelinden bäri, Romeo Beýik Britaniýanyň Içeri işler ministrliginiň hemişelik sekretary wezipesini eýeleýärdi. Mundan ozal onuň hünär işi Adalat ministrliginde we Daşary söwda ministrliginde ýolbaşçylyk wezipeleri bilen baglanyşyklydy. Şeýle hem ol Nýu-Ýorkda baş konsul wezipesini ýerine ýetirdi.
Beýik Britaniýanyň taryhynda ilkinji gezek döwlet raýat gullugyna aýal maşgala ýolbaşçy boldy
- 21.02.2026 09:47
- 4.2k+
