Blackpink k-pop topary aýdymçylaryň arasynda YouTube-da 100 million abunaçy ýazylan ilkinji aýdym-saz topary boldy we gyzyl göwher düwmä (Red Diamond Creator Award) mynasyp görüldi. Wideohostingiň bütin taryhynda bu baýraga eýe bolan T-Series, MrBeast, Cocomelon, SET India we WWE ýaly kanallaryň sany 20-den hem azdyr.
2019-njy ýylda bu baýragyň ilkinji eýesi Hindistanyň T-Series kinokompaniýasy bolupdy, soňra bolsa baýrak bloger PewDiePie-a gowşuryldy. Bulardan başga-da, sanawa Like Nastya, Vlad and Niki hem-de Kids Diana Show ýaly kanallar hem girýär.
Blackpink fewralyň ahyrynda «Deadline» atly mini-albomy çykarmaga hem taýýarlanýar. Alboma Apple Music-iň wersiýasy boýunça 2025-nji ýylyň «iň gowy k-pop kompozisiýasy» diýlip ykrar edilen «Jump» tans-pop singli hem goşuldy.
Mundan ötri toparyň agzalary özlerini kino äleminde hem tanadýarlar. Geljekde Jisu Netflix-iň dramasynda webtunlaryň prodýuseriniň roluny ýerine ýetirer. Lisa bolsa prodýuser Dewid Bernadyň romantik komediýasynda surata düşer.
