2026-njy ýylda Sony World Photography Awards fotosuratlaryň bäsleşigi on dokuzynjy gezek geçirilýär. Bu baýrak fotosurat pudagynda iň meşhur we abraýly bäsleşikleriň biri hasaplanýar we her ýyl bütin dünýäden gatnaşyjylary özüne çekýär.
Şu ýyl bäsleşigiň ähli ugurlary boýunça 430 000-den gowrak iş tabşyryldy. Öz suratlaryny 200-den gowrak ýurtdan we sebitden gelen awtorlar hödürlediler.
Sony World Photography Awards bäsleşigi her ýyl geçirilýär we ol hem hünärmen fotosuratçylara, hem-de höwesjeňlere niýetlenen birnäçe kategoriýany öz içine alýar. Ýeňijiler çeperçilik we tehniki ölçeglere esaslanýan köp basgançakly saýlama tapgyrlarynyň netijeleri boýunça kesgitlenilýär.
