Oregon uniwersitetiniň professory Iwett Sendesiň ýolbaşçylygyndaky astronomlar topary AT2018hyz diýlip atlandyrylýan sowulma güýji arkaly dargama ýagdaýyndan gelýän radioşöhlelenmäniň birden artandygyny hasaba aldylar. Täze barlag The Astrophysical Journal žurnalynda çap edildi.
Bu waka ilkinji gezek 2018-nji ýylda ASAS-SN gözleginiň çäklerinde optiki diapazonda anyklanypdy. Şonda uzakdaky galaktikada ýerleşýän örän uly göwrümli gara girdap özüne golaýlaşan ýyldyzy dargadypdy. Geň ýeri, radioşöhlelenme ýyldyz darganyndan 972 gün soňra ýüze çykdy.
Wakadan soňky 1370-nji günden 2160-njy güne çenli geçirilen täze gözegçilikler AT2018hyz-yň radioýagtylygynyň ähli barlanylan ýygylyklarda artmagyny dowam etdirýändigini görkezdi. Häzirki wagtda ol radio-diapazonda ilkinji gezek anyklanan pursatyndakysyndan 50 esse ýiti ýanýar. Alymlaryň hasaplamalaryna görä, gara girdabyň bölüp çykarýan energiýasy gamma-partlamalarynyň güýji bilen deňeşdirerlik derejededir.
Ýyldyz ýuwdan gara girdap öňküden güýçlendi we 50 esse ýiti ýanyp başlady
- şu gün 18:08
- 1.8k+
