Norwegiýaly lyžaçy Ýohannes Klebo gazanan altyn medallaryň sany boýunça gyşky Olimpiýa oýunlarynyň rekordyny goýdy. Ýekşenbe güni ol Norwegiýanyň ýygyndy toparynyň düzüminde estafetada ýeňiji boldy. 29 ýaşyndaky türgen üçin bu Italiýada geçirilýän häzirki Oýunlardaky dördünji altyn medaldyr. Onuň olimpiýa ýeňişleriniň umumy sany bolsa dokuza ýetdi — gyşky Olimpiadalaryň taryhynda görlüp–eşidilmedik dereje.
Bu görkeziji boýunça Klebo öz ildeşlerinden — lyžaçylar Marit Býorgen we Býorn Deli, şeýle hem biatlonçy Ole Eýnar Býorndalen dagydan öňe geçdi. Olaryň her biriniň sekiz sany olimpiýa altyn medaly bar.
Olimpiýa üstünliklerinden başga-da, Klebo 15 gezek dünýä çempiony, bäş gezek Dünýä kubogynyň eýesi we bäş gezek «Tur de Ski» köpgünlük ýaryşynyň ýeňijisidir.
Milan we Kortina d’Ampessoda geçýän Olimpiýa oýunlary 22-nji fewralda tamamlanar.
