Samsung-yň Demirgazyk Amerika bölümi ekranyň ýüzüni nätanyş gözlerden gizleýän täze funksiýa hakynda gysgajyk wideo görkezdi. Kompaniýa oňa «Privacy Display» diýip at berýär.
Bu tehnologiýany ilkinji bolup, Samsung Galaxy S26 Ultra smartfonunyň almagyna garaşylýar. Wideoda resmi tanyşdyrylyş senesiniň 25-nji fewraldadygy bellenilýär. Şol gün San-Fransiskoda Galaxy S26, Galaxy S26 Plus we Galaxy S26 Ultra modelleriniň tanyşdyryljak Galaxy Unpacked çäresi geçiriler.
Mundan ozal Samsung S26 seriýasynyň geljekki modelleriniň ähli häsiýetnamalaryny mälim edipdi, ýöne «gizlin ekranyň» işleýiş aýratynlyklary ilkinji gezek görkezilýär. Bu funksiýa ulanyjylara ýanyndaky biriniň görüp bilmeginden çekinmän, displeýdäki mazmuny arkaýyn görmäge mümkinçilik berer.
25-nji fewraldaky çäre Samsung-yň täze smartfonlarynyň hem-de onuň ulanyjylary üçin «gizlinligiň täze derejesini» açjak Privacy Display tehnologiýasynyň ilkinji köpçülikleýin görkezilişi bolar.
Samsung-yň täze funksiýasy Galaxy S26 Ultra-nyň ekranyny ýat gözlerden gorar
- 16.02.2026 03:47
- 5.3k+
