TPV Technology Group kompaniýasy iki tarapynda hem ekrany bolan telewizory tanyşdyrdy.
GP TV modelinde 4K durulygy bolan iki sany 48 dýuýmlyk OLED-displeý bar. Gaýtadan işlenen materiallardan ýasalan metal aýakly telewizor Dolby Atmos ses ulgamy bilen üpjün edilen.
TPV-de bu enjamyň bir wagtda birnäçe adamyň tomaşa etmegi, hususan-da geýmerler üçin döredilendigini, şeýle hem döwlet edaralarynda ulanylmaga niýetlenendigini bellediler. Täze önüm barada ýazan žurnalistler onuň konstruksiýanyň hakykatdanam deldigini belleýärler. Sebäbi telewizorlaryň adatça diwara golaý ýa-da stoluň üstünde goýulýandygyny nazara alsaň, arkadaky ekranyň geregi çykman hem biler. Iki tarapyndan hem görülmegi üçin telewizory otagyň ortasynda goýmaly boljak.
Kompaniýa GP TV-niň önümiň satuwa çykaryljak möhleti we bahasy hakda anyk hiç zat aýtmaýar, emma onuň premium-segmente degişlidigini nygtaýar.
Bir tarapy az gördüler... TPV dünýäde ilkinji ikitaraplaýyn telewizory tanyşdyrdy
- 15.02.2026 21:09
- 3.8k+
