Türkmen döwlet bedenterbiýe we sport institutynda futzal, basketbol we woleýbol boýunça ýurduň Talyp ligalarynyň açylyş dabarasy boldy.
Ýaryşlar Türkmenistanyň Bedenterbiýe we sport baradaky döwlet komiteti hem-de Türkmenistanyň Bilim ministrligi tarapyndan bilelikde tassyklanan 2026-njy ýyl üçin köpçülikleýin sport we medeni çäreleriň meýilnamasyna laýyklykda geçirilýär.
Bu çäre Milli talyplar sport federasiýasy tarapyndan gurnalýar we «Garaşsyz, baky Bitarap Türkmenistan — bedew batly at-myradyň mekany» ýylynyň çäklerinde amala aşyrylýar.
Dabara gatnaşyjylar ýaşlaryň arasynda sagdyn durmuş ýörelgesini wagyz etmegiň, ýokary netijeli sporty ösdürmegiň we talyplaryň arasynda bäsdeşlik ruhuny güýçlendirmegiň ähmiýetini aýratyn belledi.
Türkmenistanda sportuň üç görnüşi boýunça Talyp ligalaryna badalga berildi
- şu gün 19:22
- 755
