State of Play tanyşdyrylyş çäresinde Lionsgate kompaniýasy "John Wick" älemine esaslanýan täze, iri göwrümli wideooýun taslamasyny görkezdi. Häzirki wagtda taslamanyň resmi ady ýok we ol entek işlenip taýýarlanylmagyň başlangyç tapgyrynda durýar. Oýnuň çykjak wagty hem entek mälim edilmedi.
Işläp düzüjileriň berýän maglumatyna görä, sýužet "John Wick" filmlerinden tanyş bolan hronologiýanyň içinde geçýän özboluşly we täze bir taryhy hödürlär. Ekranlarda gören tanyş keşplerimiz bilen bir hatarda, ýörite oýun üçin döredilen täze gahrymanlar hem peýda bolar.
Franşizanyň iň möhüm aýratynlyklary — örän depginli söweş ulgamy, şeýle hem dünýäniň dürli künjeklerindäki täsirli atyşyklar oýunda doly saklanyp galar.
Oýnuň taýýarlanylmagyna Saber studiýasy jogap berýär. Bu studiýa ozal aşakdaky meşhur taslamalary bilen tanalypdy: Warhammer 40,000: Space Marine 2; SnowRunner.
