LEGO kompaniýasy aşyklar güni mynasybetli möwsümleýin aksiýasyny yglan etdi: 80 dollardan ýokary mukdarda haryt satyn alan müşderilere «Aşyk pingwinler» toplumy sowgat berilýär.
Bu toplumyň düzümine ýürek görnüşli galypda ýerleşdirilen iki sany pingwin şekili girýär. Gahrymanlar hökmünde pingwinleriň saýlanyp alynmagy — bu jandarlaryň öz taýy bilen bütin ömrüne bile ýaşap, wepalylygyň nyşany hasaplanýandyklary bilen baglydyr.
Şekilleriň kelleleri we ganatlary hereket edýär. Toplumda pingwinleriň biri-birine «sowgat berýän» kiçijik daşy we balygy hem bar.
278 bölekden ybarat modeliň taýýar görnüşiniň beýikligi 14 santimetrden hem artyk, ini we çuňlugy bolsa 10 santimetre deňdir.
Mundan başga-da, LEGO eýýäm mart aýynyň 1-ine satuwa çykaryljak «Ýüzüp barýan deňiz gunduzlary» atly täze toplumyny hem tanyşdyrdy. Onuň bahasy 119,99 dollar bolar.
Bu toplum 1234 bölekden ybarat bolup, olar arkaly beýikligi takmynan 8 santimetr, uzynlygy bolsa 30 santimetr bolan kompozisiýany gurup bolýar. Onda garnyna çagasyny alyp, arkan ýüzüp barýan ene deňiz gunduzynyň örän owadan görnüşi şekillendirilýär.
LEGO 80 dollardan köp söwda eden müşderilerine «aşyk» pingwinleri sowgat berýär
- şu gün 10:31
- 316
