Londonyň «Tottenhem» futbol kluby Tomas Franky baş tälimçi wezipesinden boşatmak barada karar kabul etdi. Bu hakda toparyň metbugat gullugy habar berdi.
Daniýaly hünärmen «Tottenheme» 2025-nji ýylyň iýun aýynda gelipdi. Onuň klub bilen baglaşan şertnamasy 2028-nji ýylyň tomsuna çenli niýetlenipdi.
«Tomas işlän döwrüniň dowamynda kluba özüni doly bagyşlap, topary ösdürmek üçin bar güýjüni gaýgyrmady. Biz oňa bitiren hyzmatlary üçin minnetdarlyk bildirýäris we geljekki işlerinde üstünlikler arzuw edýäris» diýlip, «Tottenhemiň» resmi beýanatynda bellenilýär.
Iňlis Premýer-ligasynda 16 tapgyrdan soň topar 29 utuk bilen ýaryş jedwelinde 16-njy orunda barýar. Milli çempionatyň soňky sekiz duşuşygynda klub bir gezek hem ýeňiş gazanyp bilmedi. Şol bir wagtyň özünde, «Tottenhem» Çempionlar ligasynyň 1/8 finalyna gönümel çykmagy başarypdy.
52 ýaşly Tomas Frank Londonyň klubyna gelmezden ozal, Daniýanyň «Brondbü», soňra bolsa Angliýanyň «Brentford» toparlaryna tälim beripdi.
«Tottenhem» Tomas Franky baş tälimçi wezipesinden boşatdy
- 11.02.2026 17:50
- 5.2k+
